Presidenti i Shteteve të Bashkuara të Amerikës, Joe Biden ka uruar gazetarët Dmitry Muratov nga Rusia dhe Maria Ressa nga Filipinet për fitimin e Çmimit Nobel për Paqe.

“Përgëzoj Maria Ressa nga Filipinet dhe Dmitry Muratov nga Rusia për nderin e merituar të emërtimit fitues të këtij viti të Çmimit Nobel për Paqe. Ashtu si shumë gazetarë në të gjithë botën, Ressa dhe Muratov kanë ndjekur faktet – pa u lodhur dhe pa frikë”, thuhet në deklaratën e Biden.

Biden ka përshëndetur punën e gazetarëve, guximin e tyre dhe këmbënguljen, pavarësisht kërcënimeve e ngacmimeve që mund të kenë pasë.

“Ata kanë punuar për të kontrolluar abuzimin me pushtetin, për të ekspozuar korrupsionin dhe për të kërkuar transparencë. Ata kanë qenë këmbëngulës në themelimin e mediave të pavarura dhe mbrojtjen e tyre kundër forcave që kërkojnë heshtjen e tyre. Dhe, për angazhimin e tyre ndaj parimeve themelore të shtypit të lirë – parime të domosdoshme për një demokraci të shëndetshme – ata janë përballur me kërcënime të vazhdueshme, ngacmime dhe kërcënime, veprime ligjore, madje, në rastin e Muratov, vdekjen e kolegëve të tij”, thuhet tutje në kumtesën e publikuar në web faqen e Shtëpisë së Bardhë.

Deklarata e plotë e presidentit Biden:

Përgëzoj Maria Ressa nga Filipinet dhe Dmitry Muratov nga Rusia për nderin e merituar të emërtimit fitues të këtij viti të Çmimit Nobel për Paqe. Ashtu si shumë gazetarë në të gjithë botën, Ressa dhe Muratov kanë ndjekur faktet – pa u lodhur dhe pa frikë. Ata kanë punuar për të kontrolluar abuzimin me pushtetin, për të ekspozuar korrupsionin dhe për të kërkuar transparencë. Ata kanë qenë këmbëngulës në themelimin e mediave të pavarura dhe mbrojtjen e tyre kundër forcave që kërkojnë heshtjen e tyre. Dhe, për angazhimin e tyre ndaj parimeve themelore të shtypit të lirë – parime të domosdoshme për një demokraci të shëndetshme – ata janë përballur me kërcënime të vazhdueshme, ngacmime dhe kërcënime, veprime ligjore, madje, në rastin e Muratov, vdekjen e kolegëve të tij Me Ressa, Muratov dhe gazetarë si ata në të gjithë botën janë në vijën e parë të një beteje globale për vetë idenë e së vërtetës, dhe unë, së bashku me njerëzit kudo, jam mirënjohës për punën e tyre novatore për të “mbajtur linjën”, siç thotë shpesh Ressa.

Unë përshëndes Komitetin Nobel për nderimin e punës së jashtëzakonshme të Ressa dhe Muratov dhe për tërheqjen e vëmendjes më të madhe ndaj rritjes së presionit ndaj gazetarëve, shtypit të lirë dhe lirisë së shprehjes në të gjithë botën./arbresh.info/